PRESENTACIÓN: ANDRÉ OTERO MEDRAÑO

Ola, son André Otero Medraño.

Nacín en Cangas (Pontevedra) o día 11 de febreiro de 1994.

Miña carreira tanto acedémica como profesional desenvólvese principalmente arredor do mundo dos recursos humanos, posto que son graduado en Relacións Laborais e Recursos Humanos pola Universidade de Santiago de Compostela.

Unha vez rematada a carreira, traballei durante uns meses nunha asesoría laboral de empresas. Non obstante, en xullo do ano 2018 tiven a oportunidade de levar a cabo unhas prácticas laborais no departamento de emprego do Concello de Mos. A miña labor neste centro tivo unha duración dun ano, e foi aquí onde descubrín que a orientación laboral e todo o existente ao seu arredor é algo que realmente me apaixona.

Nada máis enterarme da existencia do Posgrao de Orientación Laboral do CIXUG, tiven claro que era unha oportunidade de formarme e seguir aprendendo sobre o mundo da orientación laboral, sobre o cal teño pensado centrar a miña carreira profesional. Exercer labores de orientación faime sentir moi realizado conmigo mesmo, posto que me permite axudar e dotar das ferramentas necesarias á xente que precisa mellorar o seu presente e futuro.

Esta é a miña nube de intereses. A palabra que quero destacar sobre as demais é: ILUSIÓN. Intento manter este termo sempre presente posto que considero que é o principal motor polo que as personas actuamos día a día.

Dende ben pequeno empecei a escoitar rock pero ao longo da miña vida fun descubrindo outros estilos musicais aos que me fun afeccionando, así que hoxe en día podo dicir que teño un gusto musical moi variado. Aquí deixo un videoclip dun grupo de rock valenciano que levo escoitando dende a mocidade; espero que desfrutes desta canción de Los de Marras:

Por outra banda, son un gran afeccionado do balonmán, en concreto, do clube da miña vila, o Balonmán Cangas. Este clube ensinoume moitos valores ao longo da miña xuventude, xa que xoguei durante oito anos nas súas categorias inferiores, chegando a xogar durante unha tempada no equipo filial do mesmo. Encántame pasar os sábados cos amigos desfrutando dun bo partido de balonmán de primeiro nivel, e a un paso da casa.

Aquí deixo o enlace da páxina web do Balonmán Cangas: http://balonmancangas.com.

Sen máis, espero desfrutar e aprender moito deste POLAB19. Polo de agora, moi contento nesta primeira semana.